Athrawon Ymarfer er Anrhydedd PCYDDS

Yn PCYDDS, rydym yn gweithio mewn partneriaeth ag arbenigwyr o fyd diwydiant a gweithwyr proffesiynol er mwyn cyfoethogi’n darpariaeth o gyfleoedd dysgu i fyfyrwyr a staff fel ei gilydd. Mae cydnabod unigolion o fewn diwydiant drwy ein gwobr Athrawon Ymarfer er Anrhydedd yn un ffordd y gallwn sicrhau llwybrau ar gyfer rhannu gwybodaeth a sgiliau.

Fframwaith Athrawon Ymarfer

Mae ein rheng gyfredol o Athrawon Ymarfer yn ymdrin â llawer o agweddau ar y gwaith strategol, ac mae eu cynrychiolaeth wedi ei halinio’n benodol â blaenoriaethau strategol y Brifysgol.

Nid swydd â chyflog mo hon, ond mae’n gyfle i wneud gwahaniaeth i daith ein myfyrwyr a thrawsnewid bywydau. Mae cyfraniad ein Hathrawon Ymarfer yn galluogi myfyrwyr a staff i ddysgu, tyfu a ‘thalu ymlaen llaw’ i’r gymuned.

Enwebir Athrawon Ymarfer er Anrhydedd gan uwch aelodau o staff y Brifysgol (Deon neu’n uwch). Mae’r enwebiad yn dilyn proses graffu drylwyr sy’n sicrhau y cynhelir safonau priodol wrth benodi’r enwebai ar gyfer rôl Athro Ymarfer.

Mae ein fframwaith Athrawon Ymarfer er Anrhydedd yn cynnig cyfleoedd i arbenigwyr diwydiannol a phroffesiynol drosglwyddo eu harbenigedd pwnc i’n myfyrwyr a ‘rhoi’n ôl’ i’r cymunedau maent yn eu gwasanaethu.

Pecyn Enwebu

• Ffurflenni Enwebu a Map Proses(Ar gyfer Staff PCYDDS yn unig)

Os bydd yr enwebiad yn llwyddiannus, bydd ymgeiswyr yn derbyn cadarnhad ffurfiol ynghyd â thystysgrif. Penodir swyddog cysylltu i gynorthwyo pob Athro Ymarfer yn ystod eu hamser gyda’r Brifysgol. Dros y cyfnod tair-blynedd cychwynnol, disgwylir i Athrawon Ymarfer gwblhau lleiafswm o dri ymrwymiad y flwyddyn fel rhan o’r rôl. Bydd y swyddog cysylltu penodedig yn helpu cynllunio hyn i leihau’r effaith.